SD Card Full Form & Meaning | Best SD Card For Camera -

 SD Card Full Form & Meaning | Best SD Card For Camera - 

SD card ka istemal har ek mobile chalane wale ne kiya hai lekin kya har koi janta hai? SD Card Full Form aur iske Hindi meaning ke bare me agar nahi to to yahan se aapko pata chalega ki phone, camera me lagne wale external SD card ka pura naam kya hai? aur ise hindi me kya kahte hai?

Waise to ab har ek phone me aapko inbuilt storage mil jaate hai aur ye pahle bhi milte the lekin aaj ki tulna me bahut kam hote the lekin SD card aaj bhi market me apni jagah banaye hua hai. aaj bhi Camera, Laptop aur bahut se smartphone me aapko SD card slot dekhne ko mil jaata hai.

lekin yaha par ham iske storage ki capacity aur specifications ke bare nahi, ham iske meaning ke bare me jankari hasil karne wale hai aur saath me kuchh best SD card ke bare me janenge jo ki aapke camera ke liye achchhe hote hai.

SD full form ko lekar bahut sare logo me confusion hoga kyoki iska naam hi aisa hai aur log sochte honge ki iska full form hota hai storage device aur soche bhi kyon na yah kam to data store karne ke aata hai. lekin SD card ka asli full form kuchh aur hai aur shayd hi iske baare me kisi ne socha ho

SD Card full form hota hai Secure Digital aur yah ek non-volatile memory card format jise sabse pahle SD association ne ek portable storage device ke roop me banaya tha aur aaj bahut se companies SD card banati hai.

SD card ka to waise koi specific Hindi meaning nhi hota hai agar aap Secure Digital ko Hindi me translate karenge to aapko surakshit dijital milega aur agar iska hindi me arth samjhe to jo bhi data computer, mobile, internet par save hota hai vo sabhi digital tarike se save kiya jata hai aur aap use SD card me maadhyam se surakshit transfer kar sakte hai bina data loss kiye.

SD Card Generation:

Computer ki generation ki tarah SD card bhi generation hai lekin computer bahut pahle aaya aur memory card bahut bad me iska pahla generation 1999–2002 ke bich rahaa aur ise Creation bhi kahte hai. kyuki 1999 me SanDisk, Matsushita, aur Toshiba ne milakar ek memory card banaya jiska naam MultiMediaCard (MMC) tha.

dusre generation 2003 me raha aur us samay iska naam Mini cards rakha gaya aur yah isliye kyoki isko is tarah se banaya gaya taki phones me istemal kiya ja sake.

tisra generation 2004–2005 me aaya aur us samay iska naam Micro cards ho gaya us samay ise Secure Digital flash memory cards ke naam se pahchan mila jise T-Flash bhi kaha gaya.

chautha generation 2006–2008 me aaya aur us samay ise SDHC and SDIO ke naam se pahchan mila technology behatar ho gayi 32 GB tak storage capacity ke saath-saath input-output jaise features bhi isi generation me aaye.

panchva generation 2009–2018 ke beech raha isme SDXC ke naam se ise pahchan mila aur isi samay ko SD card ka golden samay bhi kah sakte hai kyoki is samay technology bahut improve hua aur SD card lagabhag har ek mobile tak pahunch gaya iske demand bahut jyaada ho gayi.

chhathvaan generation abhi chal raha hai aur 2018–present: SDUC is samay Secure Digital Ultra Capacity ke saath markert me aapko 128 TiB Storage wala SD card bhi mil jayega aur is samay iski data transfer speed 985 MB/s tak hai.

SD Card ke fayde:

External SD card bhale hi ab koi apne phone me na istemal karta ho lekin iske fayde bahut hai aur ham yaha par iske kuchh chuninda faydon ke baare me yaha baat karenge.

SD card bahut chhota hota hai aur aap aasani se apne jeb me kayi hjaar GB ke SD card rakh sakte hai.

Storage device me yah market me sabse sasta device hai jise aap mobile, laptop ya camera kahi par bhi access kar sakte hai.

abhi mobile phone me external SD ka istemaal kam ho gaya hai lekin abhi bhi market me iska demand hai aur Camera ya small storage device ke roop men bahut se log aaj bhi iska istemal karte hai.

SD cards ko access karna bahut aasan hota hai aur yah Plug & play tarike se kaam karte hai isse aap aasani se apne SD card ko kahi bhi access kar sakte hai.

dusre storage device jaise ki Hard drive ki tulna me inka size bahut chhota hota hai lekin capacity hard drive ki tarah hota hai aur yah saste bhi hote hai.

Best SD Card For Camera:

agar aap DSLR ya koi bhi digital camera ka istemal karte hai to eske liye aapko ek external SD card ki jarurat hoti hai jo ki aapke dwara capture ya record kiye gaye content ko surakshit rakh sake aur aap bhavishy me unka istemaal kar sake.

1. SanDisk Extreme PRO 64GB SDXC

yah ek fast 64GB storage device hai jo ki Amazon par aapko 1699 rupye me mil jaayega yah camera ke liye sabse suitable SD cards me se ek hai aur ismen aapko 170MB/s Read aur 90MB/s Write ki speed milta hai jo ki data transfer ke hisab se bahut fast hai.

2. Sony SF-G Tough SDXC

agar aap budget ki chinta nahi karte aur aapko fast aur reliable SD card chahiye to aapko Sony 64 GB Tough High Speed sdxc UHS-II G300 SD kharidna chahiye ismen aapko 300MB/s Read aur 299MB/s Write ki speed milta hai jo ki bahut jyada hi fast hai. lekin iska price shayad aapke expectation se bahut jyada hoga Amazon par is samay aapko yah memory card karib 21 hjaar rupye me mil raha hai.